NAP

“Энэ жил Барилгын салбарын бүтээн байгуулалтад бодит хувь нэмрээ оруулан ул мөрөө үлдээж эхэлсний 15 жилийн ой бидэнд тохиож байна.”

Бид үүсгэн байгуулагдсан цагаас захиалагч, хөрөнгө оруулагчийн хүсэл, сонирхол, зах зээлийн эрэлт хэрэгцээ, тухайн төслийн онцлог, нарийвчилсан судалгаанд үндэслэн хотхон хорооллын хэсэгчилсэн ерөнхий төлөвлөгөөнөөс эхлээд хот, тосгоны хөгжлийн ерөнхий төлөвлөгөө, орон сууц, олон нийтийн барилгын концепци, архитектур, инженерингийн төлөвлөлт, интерьер, экстерьерийн ажлын зураг төслийг чанартай, хүрээлэн байгаа орчиндоо ээлтэй, олон нийтийн соёлыг төлөвшүүлэхэд хувь нэмрээ оруулсан байхыг эрхэмлэж ирлээ.

Энэ хугацаанд бид Эрүүл мэндийн яамны Цус сэлбэлт судлалын үндэсний төв, Монгол улсын их сургуулийн И-номын сан, “Максконстракшн” ХХК-ийн Үйлчилгээтэй өндөр зэрэглэлийн 220K орон сууц, “Таванбогд проперти” ХХК-ийн Гэрлүг виста орон сууцны цогцолбор, “Тесо пропертиз” ХХК-ийн Альфа зон орон сууцны цогцолбор, “Алтан жолоо групп” ХХК-ийн Худалдаа үйлчилгээний “Сансар” хүнсний сүлжээ дэлгүүр, Олон улсын санхүүгийн төв, Пийс тауэр, Ногоон сургууль зэрэг төслүүдийн зураг төсөл, дизайныг боловсруулан бүтээн байгуулалтад оролцон ажиллаж байна.

Цаашид бид төслийг нарийвчилсан судалгаатай, зураг төсөл, дизайндаа захиалагч, хөрөнгө оруулагчийн брендинг, брендийн соёл, уур амьсгалыг шингээх, архитектур, инженеринг, интерьер, төслийн менежментийн зөвлөх үйлчилгээг цогцоор нь үзүүлж төслүүдээ төгөлдөржүүлэхийг зорьж байна. Хот төлөвлөлт, орон сууц, олон нийтийн төслүүдийг ногоон, эрчим хүчний хэмнэлттэй буюу бидний өдөр тутмын амьдралд нүүрстөрөгчийн хийн ялгарлыг бууруулах талаар илүү бодож, төлөвлөх  хэтийн төлөв бий болж байна.

15 жилийн хугацаанд нэг зорилго, тэмүүлэл, өсөлттэйгөөр хамтдаа хичээнгүйлэн хөдөлмөрлөж түүхийн хуудсаа баяжуулан хамтран ажилласан “ЭН ЭЙ ПИ” багийн залуучууд, зөвлөхүүд, удирдлагын баг, бидэнд итгэл хүлээлгэн хамтран ажиллаж ирсэн захиалагч, хөрөнгө оруулагчдаа чин сэтгэлээсээ талархал илэрхийлье!